Azatutyun24
Մայիսի 23-ին Ադրբեջանի նախագահ Իլհամ Ալիևը Թուրքիայի նախագահ Ռեջեփ Թայիփ Էրդողանին տեղեկացրել է Եվրոպական խորհրդի նախագահ Շառլ Միշելի միջնորդությամբ Հայաստանի վարչապետի հետ Բրյուսելում կայացած բանակցությունների մասին։ Ադրբեջանի նախագահի մամուլի ծառայությունը հայտնում է, որ Ալիևն անդրադարձել է հանդիպմանը քննարկված հարցերին՝ կապված Ադրբեջանի և Հայաստանի միջև խաղաղության պայմանագրի նախապատրաստման հետ, Ադրբեջանի կողմից ներկայացված հինգ սկզբունքներին, տրանսպորտային միջանցքների բացմանը, սահմանների սահմանազատմանը և այլն։
Նշվում է, որ Ադրբեջանի նախագահը «դրական է գնահատել եռակողմ հանդիպման արդյունքները»։ Ալիևը Էրդողանին ասել է, որ հրաման է ստորագրել Ադրբեջանի և Հայաստանի միջև պետական սահմանի սահմանազատման պետական հանձնաժողով ստեղծելու մասին։
«Ալիևն ընդգծել է, որ կողմերը համաձայնության են եկել Զանգեզուրի միջանցքի բացման, ինչպես երկաթուղու, այնպես էլ ավտոմոբիլային ճանապարհների կառուցման շուրջ»,- ասվում է զեկույցում։ Հաղորդվում է, որ Թուրքիայի նախագահը բարձր է գնահատել Բրյուսելում ձեռք բերված արդյունքները։
Azatutyun24
