Azatutyun24
Ղազախստանի խորհրդարանի վերին պալատը՝ Սենատը, վավերացրել է նավթամթերքի մատակարարման ոլորտում առևտրատնտեսական համագործակցության մասին Հայաստանի հետ միջկառավարական համաձայնագիրը: Այն ստորագրվել էր Նուր Սուլթանում 2020 թ. հուլիսին։
«Համաձայնագրով նախատեսվում է ինդիկատիվ հաշվեկշիռներով նախատեսված ծավալներով ներքին սպառման համար Ղազախստանից Հայաստան մատակարարվող ապրանքներից արտահանման մաքսատուրքերի չեղարկում, ցանկով չհաստատված, ինչպես նաև ինդիկատիվ հաշվեկշիռներով չնախատեսված ապրանքների մատակարարման արգելք»,- ասված է Սենատի տնտեսական քաղաքականության, ինովացիոն զարգացման և ձեռներեցության հանձնաժողովի եզրակացության մեջ:
Ընդ որում՝ Ղազախստանից Հայաստան մատակարարվող ապրանքները ենթակա չեն արտահանման ԵԱՏՄ և երրորդ երկրներ։
Համաձայնագիրն ուղարկվելու է նախագահ Կասիմ-Ժոմարտ Տոկաևի ստորագրմանը:
