Մալթան ընտրել է միգրացիոն կոշտ ռազմավարություն: Երկրի իշխանությունները մասնավոր նավերով Լիբիա հետ են վերադարձնում այն գաղթականներին, որոնք պատերազմական գոտուց փորձում են փախուստի դիմել դեպի Եվրոպա: Այս մասին գրում է Guardian պարբերականը:

Միջերկրական ծովով ճանապարհորդության ընթացքում նավաբեկություն է տեղի ունեցել, որի ժամանակ մահացել է 12 մարդ: Ողջ մնալ հաջողվել է միայն մեկ կնոջ, որն էլ տեղեկացրել է Մալթայի միգրացիոն ռազմավարության մասին: