Azatutyun24
Կողմ 66, դեմ՝ 0 ձայների բաշխմամբ Իշխան Սաղաթելյանը հետ կանչվեց ՀՀ ԱԺ փոխնախագահի, իսկ Վահե Հակոբյանը՝ ԱԺ տնտեսական հարցերի հանձնաժողովի նախագահի պաշտոններից:
Նշենք, որ Սաղաթելյանին և Հակոբյանին իրենց զբաղեցրած պաշտոններից հետ կանչելու նախաձեռնությունը «Քաղաքացիական պայմանագիր» խմբակցությանն էր։
«Հայաստան» և «Պատիվ ունեմ» խմբակցությունները չէին մասնակցում քվեարկությանը:
Ավելի վաղ հայտնել էինք, որ ՀՀ Ազգային ժողովն այսօր արտահերթ նիստ էր գումարել, որի օրակարգում «Հայաստան» խմբակցության անդամ Իշխան Սաղաթելյանին ԱԺ նախագահի տեղակալի պաշտոնից հետ կանչելու և նույն խմբակցության պատգամավոր Վահե Հակոբյանի՝ Տնտեսական հարցերի մշտական հանձնաժողովի նախագահի լիազորությունների դադարեցման մասին որոշման նախագծերն էին:
Նիստին զուգահեռ վաղ առավոտից Ազգային ժողովի շենքի դիմացը և շենքին հարող փողոցներում ոստիկանության մեծաթիվ ուժեր են կուտակվել:
