Լոռու մարզում դեկտեմբերի 31-ին, շղթայական ավտովթար է տեղի ունեցել Լոռու մարզում. ժամը 21։00-ի ահմանններում Սպիտակ քաղաքի Ս․Ավետիսյան եւ Թորոսյան փողոցների խաչմերուկում բախվել են Mercedes E 190 մակնիշի 35 DG 780 համարանիշի (վարորդ 31-ամյա Գեւորգ Ա.) Mercedes E 230 մակնիշի 24 UL 066 համարանիշի  (վարորդ 39-ամյա Մարտին Ա.)  եւ Mercedes E 190 մակնիշի 34 AR 729 համարանիշի (վարորդ 23-ամյա Մանվել Մ.) ավտոմեքենաները։

Shamshyan.com-ի փոխանցմամբ, վթարի հետեւանքով Գեւորգ Ա-ի ուղեւորներ 41-ամյա Պարգեւ Մ.-ն եւ 24-ամյա Գոռ Ս.-ն  մարմնական վնասվածքներով տեղափոխվել են «Սպիտակի» բժշկական կենտրոն։

Վարորդներից Մարտին Ա.-ն աշխատում է Սպիտակի պետական քոլեջում, որպես տնօրենի օգնական, իսկ Մանվել Մ.-ն սովորում է Հայաստանի պետական ճարտարագիտական համալսարանի Վանաձորի մասնաճյուղի 2-րդ կուրսում։