Ֆրանսիայի խորհրդարանի ստորին պալատը նոյեմբերի 12-ի երեկոյան քվեարկեց ժողովրդականություն չվայելող կենսաթոշակային ռեֆորմի հետաձգման օգտին, որը նախկինում կառավարությունը ընդունել էր հատուկ ընթացակարգով՝ «շրջանցելով» օրենսդիր մարմինը, հաղորդում է BFMTV-ն։

Ազգային ժողովը մոտավորապես 18:00-ին ընդունեց կենսաթոշակային ռեֆորմը մինչև 2028 թվականը հետաձգելու որոշումը, որը Մակրոնի և վարչապետ Լըկորնյուի զիջումն էր՝ քաղաքական ճգնաժամը լուծելու նպատակով։ Օրինագիծը ստացավ 255 կողմ և 146 դեմ ձայն։