Azatutyun24
Եկեղեցին չի կարող լինել պետություն՝ պետության մեջ։ Այս մասին այսօր Հանրայինի եթերում հայտարարել է վարչապետ Նիկոլ Փաշինյանը։
«Ցավոք, տեսել ենք դրսևորումներ, որ եկեղեցին փորձում է դիրքավորվել որպես պետություն՝ պետության մեջ, որպես օտարերկրյա պետություն՝ պետության մեջ։ Եկեղեցին չպետք է զբաղվի քաղաքականությամբ։ Ունենք ինֆորմացիա, որ այդ թվում՝ ՀԱԵ ձևաչափերով մուտք են գործում ստվերային գումարներ՝ ՀՀ-ում քաղաքական նպատակով օգտագործելու համար»,-ասել է նա։
Փաշինյանը նաեւ հայտարարել է, որ 2020 թվականից ի վեր Հայաստանի գրեթե բոլոր եկեղեցիներում պատարագների ժամանակ հնչում են «քաղաքական ռադիկալ տեքստեր». «Հույս ունեմ՝ կոռեկտ կհնչի իմ համեմատությունը, բայց աշխարհում, շատ երկրներում կան նաև ծայրահեղական իսլամի դրսևորումներ, որոնց դեմ միջազգային հանրությունը ստիպված է պայքարել»։
Azatutyun24
