Մոնթե Մելքոնյանի կիբեռ բանակը կոտրել է Ադրբեջանի ռազմածովային ուժերի գաղտնի տվյալները պարունակող հարթակը: Հաքերային թիմի «Ֆեյսբուք»-ի պաշտոնական էջը հայտնում է, որ գործողություն արդյունքում իրենց ձեռքն են ընկել ռազմածովային ուժերի գաղտնի տվյալների մի մասը, որտեղ կան ռազմածովային մարտիկների, նավապետների, նավաստիների, ինժեներների և այլ անձանց տվյալներ կապված Ադրբեջանի ծովային կառույցի հետ:

«Մենք հետևում ենք իրավիճակին: Մեր եղբայրներն առաջին գծում են, իսկ մենք թիկունքում և Ձեր մեջ»,- նշված է հայտարարությունում:

Տեղեկատվական անվտանգության հարցերով փորձագետ Սամվել Մարտիրոսյանն էլ «Ֆեյսբուք»-ի իր էջում հայտնել է, որ հայկական հաքերային թիմերից մեկը կոտրել է Ադրբեջանի մոտ երկու հազար տնային տնտեսությունների և օֆիսների WiFi սարքերը, փոխել դրանց վրայի DNS կարգավորումները, ինչի հետևանքով տվյալ կապից օգտվողները տարբեր կայքեր այցելելուց, օրինակ «Ֆեյսբուք» կամ Հեյդար Ալիևի անվան գրադարանի կայքը, հայտնվում էին մի էջում, որտեղ պատկերված է ՀՀ դրոշը և գրված է. «Եթե դուք չդադարեցնեք ձեր գրոհը մեր տարածքների վրա, ես կանջատեմ ձեր ամբողջ ինտերնետ հասանելիությունը»:

https://www.facebook.com/MonteAvoMelkonyan/photos/a.524740237640261/3105793399534919/?type=3&__xts__%5B0%5D=68.ARCN9BCjGW4WGG0PYw3ZPDps6bmKz3O7Qjd3Sdnj3jVpZwKjweESweo8Qw9TykcwLilSfS8d8XiBgoISOSwztCw2zgI1VMbArYjitGXgM19ayh4UAaOGLNtWRYibeILYZWYq5zh7oHQqhoQrVQTWd86QhQ2SsxBLjA5ZKEVsbYjoO5kES7EX9cDTRkqmUeDc9z323R2H9kwk2KUBRHr3UEv9FtgOu3wcgM4TAuaj7Lt46yACfdeSmARJm5FYT4fYaZMQhfAzK1wRgDuU9_KY2q8hFeaDKxQOFIUmibn61I3N_NvNPN63PdZ00BvbcbL7i9Mf1lndxEDJYdfp1x4bay7D3Q&__tn__=-R