Երեկ, հուլիսի 25-ին, ողբերգական ավտովթար է տեղի ունեցել Տավուշի մարզում։ Ժամը 20։00-ի սահմաններում Բերդ-Ճամբարակ ավտոճանապարհին, «Չաթախ» կոչվող սարամասում, Չինչին բնակավայրի բնակիչ 42-ամյա Տիգրան Քոչարյանը իր վարած УАЗ մակնիշի ավտոմեքենայով, դեռևս անհայտ հանգամանքներում, դուրս է եկել ճանապարհի երթևեկելի գոտուց, մոտ 150 մետր գլորվելով, հայտնվել ձորում։ Ինչպես հայտնում է ֆոտոլրագրող Գագիկ Շամշյանը, վթարի հետևանքով Տ․ Քոչարյանը մարմնական վնասվածքներով տեղափոխվել «Բերդ» բժշկական կենտրոն, իսկ ուղևոր՝ Պառավաքար բնակավայրի բնակիչ 36-ամյա Մանուկ Վարդանյանը տեղում մահացել է։ Օպերատիվորեն ժամանել են Ճանապարհային ոստիկանության 2-րդ սպայական գումարտակի 4-րդ վաշտի 2-րդ դասակի ծառայողները՝ վաշտի հրամանատար Էդգար Սուսլիյանի, դասակի հրամանատար Կարեն Աբազյանի գլխավորությամբ։  Ժամանել են նաև Հայաստանի քննչական կոմիտեի Տավուշի մարզային քննչական վարչության խումբը՝ հատկապես կարևոր գործերով ավագ քննիչ Ավետիսյանի գլխավորությամբ։ Քննիչի հանձարարականով՝ ավտեմեքենան տեղափոխվել է պահպանվող հատուկ տարածք։  

Լուսանկարը՝ Գևորգ Ղազարյանի 

shamshyan.com