Ճանապարհային ոստիկանության 2-րդ սպայական գումարտակի 6-րդ վաշտի ավագ հետաքննիչ Վարդանյանի կողմից նյութեր են նախապատրաստվում փետրվարի 15-ին Սյունիքի մարզում տեղի ունեցած ավտովթարի փաստով։  Ժամը 19։00-ի սահմաններում Երևանի բնակիչ 37-ամյա Հովհաննես Մարկոսյանն իր վարած Mitsubishi մակնիշի ավտոմեքենայով Երևան-Մեղրի ատոճանապարհի 192 կմ-ին  դուրս է եկել հանդիպակաց երթևեկելի գոտի, բախվել Սյունիքի մարզի բնակիչ 48-ամյա Արտակ Հարությունյանի վարած Mercedes մակնիշի ավտոմեքենային։  Ինչպես հայտնում է ֆոտոլրագրող Գագիկ Շամշյանը, վթարի հետևանքով Ա․ Հարությունյանը մարմնական վնասվածքներով տեղափոխվել է Գորիսի բժկական կենտրոն, իսկ նրա ուղևորներ՝ 38-ամյա Արմինե Պետրոսյանը, 26-ամյա Աննա Ղուկասյանը, 58-ամյա Անուշ Դավթյանը և Mitsubishi-ի վարորդ Հ․ Մարկոսյանը մարմնական վնասվածքներով տեղափոխվել են «Սիսիան» բժշկական կենտրոն։  Օպերատիվորեն դեպքի վայր են ժամանել ՃՈ 2-րդ սպայական գումարտակի 6-րդ վաշտի 1-ին դասակի ծառայողները, վաշտի հրամանատար Գեղամ Մարգարյանի գլխավորությամբ։  Գ․ Շամշյանի տեղեկություններով՝ վարորդներից Հ․ Մարկոսյանը «Բազալտ 7» ՍՊԸ տնօրենն է։ Լուսանկարները՝ Յուրա Գաբրիելյանի

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: 

shamshyan.com