Azatutyun24
Հաղորդավար,լրագրող Արամ Աբրահամյանն իր ֆեյսբուքյան էջում գրել է․
Եթե մեկ ամիս առաջ հարցնեինք մեր քաղաքացիներին՝ «ո՞ր երկրին եք ուզում, որ նմանվի Հայաստանը», մեծամասնությունը կթվարկեր ԱՄՆ-ը, Իսպանիան, Իտալիան, Գերմանիան, Ֆրանսիան, գուցե արեւմտյան մի շարք այլ պետություններ, բայց՝ ոչ Չինաստանը:
Նույնիսկ այն հայաստանցիները, որոնց ազատական ժողովրդավարության խնդիրներն առանձնապես չեն հետաքրքրում, նույնպես, վստահաբար, կասեին, որ Իտալիայում կամ Իսպանիայում կյանքը բարեկեցիկ է եւ «ուրախ-զվարթ»: Բայց հիմա ոչ միայն մենք, այլեւ նույն եվրոպացիներն ու ամերիկացիները տեսնում են, որ բարեկեցիկությունը, ինչպես նաեւ ազատությունը (որն, ընդունենք, ավելի քիչ մարդկանց է հուզում) ամենեւին էլ չեն ապահովում մարդկանց անվտանգությունը:
«Ավելի լավ է, – մտածում են այսօր մոլորակի միլիոնավոր մարդիկ, – դաժան, անմարդային, հակաժողովրդավարական միջոցներով հասնել պետության համար կարեւոր նպատակներին, քան ապահովել ազատությունը եւ թույլ տալ, որ մարդիկ մահանան»:
Azatutyun24
