Խորհրդարանում վարչապետ Նիկոլ Փաշինյանը հանդիպել է «Լուսավոր Հայաստան» խմբակցության ղեկավար էդմոն Մարուքյանի հետ: 

Հանդիպումից հետո Կառավարությանը ղեկավարը հեռացավ՝ չպատասխանելով լրագրողների հարցերին: 

Էդմոն Մարուքյանը լրագրողներին ասաց, որ միասին սուրճ են խմել և զրուցել արցախյան հիմնախնդրի կարգավորման գործընթացի մասին:

Նա նշեց, որ նախօրեին այդ խնդրի շուրջ զրույց է ունեցել նաև ԱԳ նախարար Զոհրաբ Մնացականյանի հետ: 

«Հրապարակային հայտարարություններից դուրս որևէ մտահոգիչ բան չկա: Ինձ համար Արցախի հիմնախնդրի վերաբերյալ եղած շահարկումները փարատված էին նախկինում, հիմա էլ են փարատված: Այս պահին ես մտահոգություն չունեմ Արցախի հիմնախնդրի հետ կապված, որևէ փաստաթուղթ չի բանակցվում»,- ասաց Էդմոն Մարուքյանը: 

Նրա խոսքով՝ ըստ էության, Արցախի հարցում բոլորը համախմբված են, տարաձայնություններ չունեն: