ԱՄՆ փոխնախագահ Ջեյմս Դեյվիդ Վենսը հայտարարել է, որ Իլոն Մասկը «մեծ սխալ» է թույլ տալիս՝ վիճաբանելով նախագահ Դոնալդ Թրամփի հետ։ Նա միաժամանակ հույս է հայտնել, որ միլիարդատերը աշխատանքի կվերադառնա վիճաբանությունից հետո, գրում է Bloomberg-ը։

«Ես միշտ հավատարիմ կլինեմ նախագահին և հույս ունեմ, որ Իլոնը, ի վերջո, հանրության գիրկ կվերադառնա։ Գուցե հիմա դա հնարավոր չէ, քանի որ այն այնքան միջուկային է դարձել, բայց ես հույս ունեմ, որ դա հնարավոր է», -շաբաթ օրը թողարկված փոդքասթում ասել է Վենսը։

Նա հավելել է նաև, որ Թրամփը չի կարծում, թե անհրաժեշտ է «անհաշտ թշնամանքի» մեջ մտնել Մասկի հետ։

«Իրականում ես կարծում եմ, որ եթե Իլոնը մի փոքր հանդարտվեր, ամեն ինչ լավ կլիներ», -եզրափակել է ԱՄՆ փոխնախագահը։